Ikastolak eta Gipuzkoako Ikastolen Elkarteak aukeratu dute leloa. Antolatzaileen esanetan, ikastolak jaialdi "mundiala" antolatu ohi du urtero ikasturteari amaiera emateko: "Kilometroak 2016 halakoa izan dadila nahi dugu: Demasa, demasekoa, ahaztuko ez duguna". Urriaren 2an izango da jaia.
Irudia Gipuzkoako Ikastolen Elkarteak diseinatu du. Hurrengo edizioa demasa izan dadin, herriarekin egin nahi du Aranzadi Ikastolak: Bergararekin, Debagoienarekin eta Gipuzkoarekin. "Ez da helburua jendeak guri laguntzea, jendea bera kilometroak antolatzen, diseinatzen, eraikitzen, nahi dugu. Aranzadiren helburua da Kilometroak denona izatea eta, horretarako, denok elkarrekin, kooperazioan, egin behar dugu. Horrek bihurtuko du demasekoa. Horrek ekarriko ditu ideia berriak, sormena, bikaintasuna".
