Europa Konektatuz proiektuaren barruan kokatzen da laguntza proposamen hori, eta, guztira, 11,6 milioi euro izango lirateke Gasteiz, Bilbo eta Donostia lotzen diuen abiadura handiko trenarentzat. Euskal Y-a deritzona, hala ere, ez da Bruselak lagundu asmo duen proiektu bakarra. Horretaz gain, laguntzak jasoko dituzte Espainiako Estatuko beste 22 egitasmok.
Dena den, hurrengo urratsa egin aurretik Europako Batasuneko estatu kideen oniritzia behar du proposamenak. Harekin batera mahai gainean izango dira Europa osoko beste 195 proiekturentzako laguntzak ere. Denera, 6.700 milioi euro jarriko ditu horietarako Batzordeak.
Euskal Y-aren kasuan, Bergara-Irun eta Bilbo-Gasteiz arteko seinaleak jartzeko izango litzateke laguntza.
