Orain, dena da kolore eta dena da argitasuna" EH Bildun. Hala esan zuen atzo Joseba Egibar EAJren hautagaiak mitinean. Baina bera ez da gutxiago izan: akordeoia hartu, eta kantuan azaldu da kanpainan. EAJk atzo publiko egin zuen bideoan akordeoia jotzen eta kantuan ageri da, "alderdiaren garaia" dela aldarrikatuz.
[youtube]https://youtu.be/xP4qkmqo1Ak[/youtube]
Egibarrek aipatutako "kolore eta argitasunaren" seinale, techno musikarekin osatutako bideoa argitaratu du EH Bilduk. Hitzik ez du bideoak; mobilizazioetako oihuak eta txaloak entzuten dira nagusiki. Eta, une batean, musikaren erritmoan Arnaldo Otegiren ahotsa entzuten da: "Goazen behingoz martxan jartzera prozesu independista bat herri honetan". Horrekin batera, "mugimendua" hitzaren hainbat definizio ematen ditu EH Bilduk.
[youtube]https://youtu.be/MdIt8a_PKl8[/youtube]
Estetikaren kontuarekin umorea egin zuen Egibarrek, haien kontrako mezua zabaltzeko gero. EH Bilduri onartu zion jeltzaleei zerbaitetan pentsarazi diela: "Etxetik ateratzerakoan, mitinera baldin bazoaz, begiratu nola zoazen jantzita. [...] PNVkoak baino hobeto janzten hasi dira".
Egibar: "Ezker Abertzaleak estetikaren apustua egiten ari da baina etikaz ez dute hitz egin nahi" #EraikiEuskadipic.twitter.com/i7SMQdGiog
— EAJ-PNV (@eajpnv) 2016(e)ko irailak 14
Koloreen kontua kanpainako aurreneko ekitaldian bertan atera zuen Maddalen Iriarte EH Bilduko Gipuzkoako zerrendaburuak. Hala esan zuen: "Grisak beraiek dira". (Bideoaren 1:29an)
[youtube]https://youtu.be/qn4m8UqoCtg[/youtube]
