Jose Luis Castro Espainiako Auzitegi Nazionaleko Espetxe Zaintzako epaileak onartu egin du Rafael Caride Simoni, Aitor Boresi, Jorge Uruñuelari eta Luis Maria Carrascori espetxe onurak ematea. Lauren kasuan onurak ematearen alde agertu zen fiskala ere. Langraiz bidea hartutakoak dira eta zigorraren azken fasean daude. Ibon Etxezarretaren auziari buruz erabakitzea falta zaio orain epaileari.
Orain batzorde bat bilduko da zigor arintze hori nola aplikatu erabakitzeko: aurreneko biei eskumuturreko telematikoa jarri edo tartean behin sinatzera joatera derrigortu erabaki beharko du; Carrascori asteburuetan kartzelarik ateratzeko baimena emango diote eta Uruñuelari balditzapeko askatasuna.
