Berriz egin du EAE Euskal Autonomia Erkidegoan Espainiako Gobernuak duen ordezkariak, Carlos Urkijok, euskal instituzioek onetsitako erabaki baten aurka. Asteazkenean, osoko bilkuran, mozal legea "ez ezartzea" onartu zuten Gipuzkoako Batzar Nagusietako taldeek, PPren aurkakotasunarekin. Eta Carlos Urkijok akordio horren kontra aurkeztu duen helegitean adierazi du batzar nagusiek ez dutela horrelako erabakirik hartzeko eskumenik. Legeren bat gogoko ez badute, horren inguruko "inpugnazio" bat aurkeztu dezaketela adierazi du, baina ezin dutela hartu hura ez betetzeko erabakirik.
EH Bilduk eta PSE-EEk batera izenpetutako akordio bat izan zen batzar nagusietan onartu zutena. Horrek "harridura" eragiten diola nabarmendu du Urkijok. "Espainiako Gobernuaren agintean hogei urte baino gehiagoan egon den alderdi batek ezin du jendea horrela nahastu".
