Abenduan zehar ari dira epaitzen 35 lagun 04/08 sumarioaren epaiketan, eta urri-azaroan epaitu zituzten Walter Wendelin, Aritz Ganboa, Unai Vazquez, David Soto eta Gabi Basañez Askapeneko kideak. Epaiaren zain daude bostak.
Bi auzien inguruan ohar bat plazaratu du Friendshipek. Askapenaren kasuan, ohartarazi du "29 urte baino gehiago nazioarteko elkartasuna sustatzen" eta legalki jardun duen elkarte bat dela eta debekatua izateko arriskuan dagoela. Vazquezek Friendshipi azaldu zizkion auziaren nondik norakoak abenduaren 8an.
Martina Anderson Sinn Feineko europarlamentari eta Friendshipeko kideak eskatu du epaiketa horiek amaitu, eta errespeta daitezela herritarren oinarrizko eskubideak.
