Ez zuten lehen aldia sanferminetan lasterka egiten zutena. Azkarrak dira Jandilla etxeko zezenak, baina baita arriskutsuenetakoak ere. Orain arte egindako entzierroetatik zauritu gehien eragin dituenetako bat da.
Aurten 11 lagun eraman behar izan dituzte erietxera, haietako hiru adarkadekin.
Estafeta kalean izan dira une larrienak; zezenak bihurgunea hartzerakoan kale bazterrera joan dira, eta han pilatuta zegoen jendearengandik oso gertu igaro dira, bat baino gehiago joz.
2`23 minutu nahikoak izan dituzte Jandilla etxekoek ibilbide osoa egiteko.
Orotara hamabost alditan parte hartu du etxe honek sanferminetan. 1980an izan zuen lehen aldia, eta geroztik urtero joan izan da Iruñera.
Lehen entzierroa izanik, jendetza espero da Iruñeko kaleetan.
