Jai egunak direla eta, aurreikusi zitekeenez, ohikoa baino handiagoa izaten ari da ibilgailuen joan-etorria Gipuzkoa eta Lapurdi artean. Ibilgailu kopuruaren gorakadak bat egin du autobidean egiten ari diren lanekin, eta lan horietarako lerro bat moztu dutenez, trafikoa nabarmen moteldu da.
Goizeko lehen ordutik, hainbat kilometrotako auto ilarak eratu dira; 15 kilometroraino iritsi dira. Pilaketaren eraginez, trafikoa moteldu egin da GI-20 eta GI-636 errepideetan ere.
Eusko Jaurlaritzako Segurtasun sailaren webgunean kontsultatu daiteke unean uneko trafikoaren egoera.
