Baionako Xingar Feriaren azken eguna zen atzo. France Bleu eta Sud Ouest komunikabideen arabera, 17 urteko gazte bat hilik aurkitu zuten bart, 23:00 aldera, Marechal Soult etorbidean. Dirudienez, eskuterrean harekin zihoan beste gaztea Baionako ospitalera eraman dute, larriki zauriturik.
Bi komunikabideek diotenez, sokorriak bertaratzean aurkitu dituzte bi gazteak bakarrik. Hil denari bihotzekoak emana zion, eta suhiltzaileek ez dute lortu berriz suspertzen. Bigarrena, ospitaleko larrialdietara eraman dute. Gehitu dutenez, inkesta bat zabaldu dute errekontruaren nondik norakoak ikertzeko.
Duela bi urte, 2022ko apirilaren 16an, Dordoinako (Okzitania) lau gazte hil ziren auto istripuz etorbide berean, Xingar Feria bete-betean zegoen gau batez.