17 urteko mutil bat atxilotu zuen Ertzaintzak atzo arratsaldean Gasteizen, neska bati sexu erasoa egin ziolakoan. Ertzaintzako iturrien arabera, atzo goizeko lau eta erdiak inguruan dei bat jaso zuten, Diego Rojas kalean neska batek sexu erasoa jasan zuela esanez. Hara joan, eta neskak azaldu zien eskaratzera sartzera zihoala, gizonezko batek atzetik harrapatu zuela, eta genitalak igurtzitzen hasi zitzaiola. Etxeko txirrina jotzea lortu zuten, eta gurasoak gertatzen ari zenaz ohartaraztea. Hori dela eta, ihesika alde egin zuen mutilak.
Neskak esandakoa entzunda, ikerketa abiatu zuten, eta 17 urteko mutil bat atxilotu zuten atzo arratsaldean. Aipatutako erasoa ez ezik, zertxobait lehenago beste emakumezko batekin gauza bera egiten saiatzea leporatzen diote.
17 urteko mutil bat atxilotu dute sexu erasoa egotzita
Gasteizen atzeman zuten, atzo arratsaldean, neska batek erasoa salatu eta gero.
Iruzkinak
Ez dago iruzkinik
Ordenatu
