David Urdin, Irati Mujika, Oihan Ataun eta Mikel Marini ere urtebeteko zigorra jarri diete; horrela, Auzitegi Nazionalaren erabakia berretsi du Gorenak.
Ebazpenak biltzen duenez, "dudarik gabe terrorismo ekintzak justifikatu edo goratzeko asmoa" dago. Auzitegi Nazionalak frogatutzat eman zuen bostek "aldez aurreko akordioz eta hitzartuta" erakutsi zituztela presoen irudiak Korrikaren 404. kilometroan. Bost gazteak iazko maiatzean epaitu zituzten Auzitegi Nazionalean, 2009ko Korrikan presoen argazkiak erakusteagatik.
