2011n auto elektrikoak kargatzeko gasolindegiak jarriko dituzte EAEn

Eusko Jaurlaritzak eta Repsol enpresak gaur sinatu dute 2011ra begira Araba, Bizkaia eta Gipuzkoan gasolindegi elektrikoak jartzeko akordioa. Gasolindegi horietan auto elektrikoak kargatzeko aukera izango da.

Sinatzaileek nabarmendu dute "gasolindegi horiek gabe, auto elektrikoak ez liratekeela bideragarriak izango". Patxi Lopez Eusko Jaurlaritzako lehendakariak gaineratu du akordioak "etorkizunaren ateak irekitzen" dituela.

Hurrengo urtean hasiko dira gasolindegiak non kokatu zehazteko ikerketekin.