Eusko Jaurlaritzak bihar egingo duen bileran onartuko du 2016ko lan egutegia, eta horrekin batera lehen aldiz urriaren 7ari jaiegun izaera emango zaio Araban, Bizkaian eta Gipuzkoan. 2016ko urriaren 7an 80 urte beteko dira lehen Eusko Jaurlaritza eratu zenetik, eta Iñigo Urkullu buru duen gobernuak urteurren hori jaiegun izendatuz gogoratu nahi du.
Hala ere, ezohiko jaieguna izango da, Efe albiste agentziak aurreratu duenez 2016ko kontua soilik izango baita.
San Jose eguna, berriz, martxoak 19, ez da jai izango datorren urtean. Aurten izan da, baina 2016an larunbata izango da, eta Jaurlaritzak ez du sartu bere jaiegunen egutegian. Maiatzak 1 eta abenduak 25 igandez izango dira. Guztira lau jaiegun izango dira astelehena edo ostirala, eta bi asteazken izango dira jai.
Aste Santua martxoaren 24tik 28ra izango da. Abenduaren 6a eta 8a, hurrenez hurren, astearte eta ostegun izango dira.
