Leire Rodriguezen bikotekide ohiari 25 urteko kartzela zigorra ezarri dio Bizkaiko Auzitegiak, hura azpikeraz hiltzea egotzita. Epaiak, gainera, genero indarkeria eta senitarteko lotura aintzat hartu ditu, larrigarri gisa.
Espetxealdiaz gain, epaiak debekatu egin dio zigortuari sema-alabengana hurbiltzeko aukera, 30 urtez, eta haietako bakoitzari 200.000 euroko ordaina eman beharko dio. 30.000 euroko kalte-ordaina eman beharko dio, berriz, Rogriguezen nebari. Espetxealdia betetzen duenean, zaintzapean izango da hamar urtez.
Akusazioa pozik agertu da epaimahaiaren erabakiarekin.
Aldeek hamar eguneko epea izango dute helegitea aurkezteko.
