29 ikastetxe itxi zituzten atzo elur ekaitzagatik

Elur ekaitzak 29 ikastetxe itxiarazi zituen atzo: Araban 10, Bizkaian beste 10, Gipuzkoan 8 eta Nafarroan 4. Horretaz gain, beste hainbat ikastetxetan ikasle eta irakasle asko ez ziren iritsi. Zaratamon (Bizkaia) ikasleak ertzainen noranahiko ibilgailuetan iritsi ziren ikastetxera. EHUren campusetan eskolak eman zituzten, baina garraio arazoengatik azterketak egin ez zituzten ikasleek beste egun batean egin ahal izango dituzte. Mondragon Unibertsitatean, berriz, ez zuten eskolarik eman atzo goizean.