Espainiako Poliziak pakistandarrak esplotatzen dituen talde bat atxilotu du Gipuzkoan. Guztira, 29 dira atxilotuak. Lanpostu faltsuak eskaintzen zizkieten pakistandarrei, baita bertan bizi eta lan egiteko beharrezkoak diren agiri faltsuak ere.
Egoera irregularrean bertan bizi ziren pakistandarrak bilatzen zituen talde horrek. Behin horiek euren eskaintzari baiezkoa emandakoan, atsedenik gabeko hamabi orduko lanaldiak egitera behartzen zituzten, egun librerik gabe, eta 100 eta 200 euro artean kobratuz. Atxilotutako taldeak dozena bat etxe kudeatzen zituela baieztatu du poliziak, eta pakistandarrak "baldintza negargarrietan" bizi ziren horietan.
Poliziaren arabera, talde horrek Gipuzkoako hainbat enpresa txiki eta ertainen aholkuak jaso zituzten, etorkin horien egoera erregulatzen lagundu zieten diruaren truke, lan kontratu "garbiak" lortzen lagunduz.
