Eskerrak eman dizkie 30 urteotan IAren parte izan diren guztiei: "Belaunaldi guztietako milaka kideenganako aitortza eta omenaldi eguna da gaurkoa". Atzera begira ere jarri dira, antolakundearen ibilbidearen errepaso bat egiteko.
Ofizialki, 1988ko azaroaren 17an sortu zen Ikasle Abertzaleak antolakundea. Lehen kongresuan "Euskal Herri aske eta sozialistaren hezkuntza eredua barnebiltzeko kontzeptua" definitu zutela azaldu dute, handik urte gutxira "Euskal Eskola Nazionalaren izena hartuko zuena". 30 urteko bidea aztertu ondoren, esan dute "akatsa" litzatekeela ibilbide hori "modu lineal eta jarraikor batean" ulertzea: "Ikasle antolakundeak bere gorabeherak eta fase ezberdinak bizi izan ditu".
Aurrera begira jarrita, "sentsiblitate ezberdinen artikulazioa, errespetuzko interlokuzioa eta elkarlana oinarri hartuta" lan egingo dutela ziurtatu dute, "oinordekotza indartsu honek eskatzen duen mailaren eta erantzukizunaren jakitun". Besteak beste, Herri Unibertsitateak eta "talde kritikoak" sustatatzeko asmoa agertu dute: "Burua altxatu eta gure bide nekaezinaren oztopoak eta aukerak begiztzen ditugu; jorratu beharreko bidea marrazteko garaia da".
[youtube]https://www.youtube.com/watch?time_continue=2&v=qtlqnGQSa64[/youtube]
