30 urteko gizon bat atxilotu dute exhibizionismoagatik

GASTEIZ. Udaltzaingoak 30 urteko gizon bat atxilotu du Gasteizen, exhibizionismoagatik. Ustez, 15 eta 17 urte bitarteko hainbat neskari genitalak erakutsi zizkien. Ez zen hori egiten zuen lehen aldia, Udaltzaingoak esan duenez. Ostegun arratsaldean izan ziren gertaerak. Neskek abisua eman, eta gizonak ihes egin zuen. Etxean atxilotu zuten udaltzainek, 21:00ak aldera.