31 urteko gizon bat atxilotu dute, bikotekidea jo eta aiztoarekin mehatxatu duelakoan

31 urteko gizonezko bat atxilotu du bart Ertzaintzak Bilbon, bikotekidea jotzea eta aiztoarekin hiltzeko mehatxua egitea leporatuta.

Jaurlaritzako Herrizaingo Sailaren arabera, bart gaueko hamaikak aldera Indautxuko etxebizitza batera joateko esanez deitu du emakumezko batek, bere ahizpari bikotekideak eraso ziola esanez. Hara iristean, emakumezko bat aurkitu dute, durduzatuta. Bikotekideak ohe gainera bota eta ukabilkadada eraso diola agertu die ertzainei. Bere oihuekin asaldatuta, ahizpa gelara sartu dela, eta orduan alde egin eta sukaldean babeste lortu duela erantsi du.

Horren aurrean, gizonezkoak laban batekin hiltzeko mehatxua egin bide die bi emakumezkoei, eta ahizparen eskuko telefonoa hautsi du Ertzaintzara deitzeko modurik izan ez zezan. Hala ere, etxetik ihes egitea lortu du ahizpak, eta abisua ematea.

Ondorioz, 31 urteko F.S.C. atxiltou dute, erasoa eta mehatxuak leporatuta. Gaur bertan deklaratuko du epailearen aurrean.