3+2 erreforma «baztertzailearen» aurka bozkatu du EHUko ikasleen gehiengoak

DONOSTIA. Ikasle Ekintza taldeak jakinarazi duenez, Espainiako Gobernuak ezarri asmo duen 3+2 erreformaren kontrako jarrera agertu dute EHUko ikasleek. Herenegungo erreferendumean, guztira 4.000 ikaslek hartu zuten parte, eta %99 pasatxok ezetza eman zioten, «baztertzailea» delakoan; unibertsitatea demokratizatzeko beharra aldarrikatu zuten ia %97k. Emaitzak txalotu ditu Ikasle Ekintza taldeak.