Bikotekideari tratu txarrak eman dizkiolakoan 32 urteko gizonezko bat atxilotu zuen atzo arratsean Ertzaintzak Gasteizen. Jaurlaritzako Herrizaingo Sailak agertu duenez, atzo gaueko hamar eta erdiak aldera herritar batek eman zuen abisua, Zaramaga kaleko atari batean gizon batek emakume bat nola ileetatik tiraka barrura sarrarazten zuen ikusi zuela esanez. Emakumeak berarekin haur txiki bat zeramala erantsi zuien.
Abisua jaso ondoren, esandako etxera joan ziren ertzainak eta biktimarekin harremanetan jartzea lortu zuten. Gizonak lehendabizi masailekoa eman eta lurrera bota zuela agertu zien, eta bien haurra hartu eta etxetik alde egiten saiatu zenean, ileetatik tiraka berriro etxera igoarazi zuen.
Biktimaren lekukotasuna jaso ostean, gizonezkoa atxilotu egin zuten.
Emakumeen kontrako indarkeria
32 urteko gizonezko bat atxilotu dute Gasteizen bikotekideari eraso egitea leporatuta
Iruzkinak
Ez dago iruzkinik
Ordenatu
