34 urteko gizon bat atxilotu dute Laudion, bikotekidea jotzea egotzita

34 urteko gizonezko bat atxilotu du bart Ertzaintzak Laudion (Araba), bikotekideari eraso egitea leporatuta. Ertzaintzak emandako azalpenen arabera, eraso baten berri emanez dei bat jaso dute gauerdi inguruan. Esandako lekura joan, eta emakumezko bat aurkitu dute atarian alaba txikiarekin. Mutil-lagunaren etxera joan eta eztabaidan hasi direla agertu die emakumeak, eta gizonezkoak jo egin duela. Handik gutxira gizonezkoa heldu da, eta Ertzaintzak atxilotu egin du.