35 urte dira gaur Espainiako Poliziak German Rodriguez iruindarra hil zuenetik, eta urtero bezala haren omenezko ekitaldia egingo dute. Sanferminak ziren, festetako hirugarren eguna, eta zezen-plazan izandako liskar handien ondoren, Orreaga etorbidean tiroz hil zuten. Liga Iraultzaile Komunistako (LKI) kidea zen, eta 23 urte zituen hil zutenean.
13:00etan egingo diote omenaldia Rodriguezi, Orreaga etorbidean; hil zuten kalean bertan, hain zuzen.
