Jose Moreno gudariak ez du nahi "ahanzturan eta gorrotoan" eraikitako etorkizunik. Artxandan 36ko gerran parte hartu zuten gudariei egin dieten omenaldian entzun dira Morenok idatzitako hitzok —gaixorik dagoela-eta ez da bertan izan— . Besteak beste, Juan Maria Aburto Bilboko alkateak, EAJren EBBko buru Andoni Ortuzarrek eta PSEko idazkari nagusi Idoia Mendiak hartu dute parte.
Gogoratu dute 36ko gerran ia 6.000 lagun fusilatu zituztela "nazionalista, errepublikazale edota anarkista" izategatik. Eta bidegabekeria horrek sortutako zauriak ondo ixteko, "egia eta justizia" eskatu dituzte gudariek.
