Errepide istripu larria gertatu da gaur goizean BI-636 errepidean, Zalla (Bizkaia) parean: goizeko sei eta erdiak inguruan Toyota Avensis batek eta Citroen Xantiak batek elkar jo dute argitzeke dauden arrazoiak tarteko, eta bi autoetako gidariak zauritu dira.
Ezbeharra izandako lekuan bertan artatu dituzte larrialdi zerbitzuek, baina Toyotaren gidaria, Balmasedako 42 urteko gizonezko bat, hil egin da han bertan. Citroenaren gidaria, 39 urteko Balmasedako beste gizonezko bat, zaurituta eraman dute Gurutzetako erietxera.
Errepidea itxita egon da Bilborako noranzkoan epaileak gorpua jasotzeko baimena eman arte.
Errepideak
42 urteko gizonezko bat hil da Zallan auto istripuan
Hildakoak gidatzen zuen Toyota autoak eta Citroen Xantia batek elkar jo dute BI-636 errepideko 27. kilometroan. Beste auto gidaria zaurituta eraman dute Barakaldoko Gurutzetako erietxera.
Iruzkinak
Ez dago iruzkinik
Ordenatu
