48 urteko gizon bat atzeman dute, bikotekidea jo duelakoan

GASTEIZ. Ertzaintzak 48 urteko gizonezko bat atxilotu zuen atzo goizaldean Gasteizen, genero indarkeria egotzita. Judimendi auzoko etxe batean izan zen erasoa, Eusko Jaurlaritzako Herrizaingo Sailaren arabera: andreak urradurak zeuzkan besoan, eta salatu zuen bikotekideak behin baino gehiagotan bultzatu zuela. Gizona atxilotuta eraman zuten ertzainek.