5.000 manifestari Donapaleun, 2x2ren aurka

Ia 5.000 lagun bildu dira Iruñea-Saliese errepide berria ez egitea eskatzeko Donapaleuko (Baxenabarre) karriketan, Leia elkarteak deiturik. Manifestazioa oso arrakastatsutzat jo dute, gai horren inguruan inoiz egin den handiena izan delako. Egunean 1.700 kamioiek erabiliko luketen errepide proiektu hori bertan behera uzteko eskatu diete Jean-Jacques Lasserre Pirinio Atlantikoetako Kontseilu Nagusiari eta Barthelemy Agerre Amikuzeko kantonamenduko kontseilari nagusiari.