Goiza argitu duenetik Nafarroako Larrialdietarako Agentziko kideak atzodanik galduta dagoen 6 urteko neskato baten bila dabiltza, Arga ibaian. Larraga (Nafarroa) inguruan hasi ziren atzo iluntzean bila, han izan zela ezbeharra, eta gaur goizetik indartu egin dute taldea. Tafalla eta Lizarrako su-hiltzaileak, Iruñeko urpekari talde bat, Foruzaingoa,Guardia Zibila eta DYA lan horietan dabiltza; Nafarroako Gobernuaren helikoptero baten laguntza daukate. Denera, 50 bat lagun dabiltza.
Gurasoekin zihoala auto istripua izan zuen atzo arratsean neskato horrek: NA-132 errepidean zihoazela, Larraga parean, Zangozarako noranazkoan, bidetik atera zen ibilgailua eta ibaira erori. Neskatoa eta haren gurasoak, Erriberriko (Nafarroa) bizilagunak, zihoazen autoan.
Gurasoak -24 urteko M.N.O.C. ama eta 26 urteko D.F.C.V. aita- onik iritsi ziren igerika ibai ertzera. Alaba, 6 urteko M.C.O., ordea, urak eraman zuen. Harrezkero, neskatoaren bila dabiltza.
Ezbeharra
6 urteko neskato baten bila dabiltza Arga ibaian
Gaur goizetik 50 lagun dabiltza hura aurkitzeko lanetan. Atzo iluntzean gurasoekin batera erori zen ibaira, autoan zihoazela bidetik atera ostean. Aitak eta amak ertzera onik iristea lortu zuten; neskatoa, ordea, galduta dago harrezkero.
Iruzkinak
Ez dago iruzkinik
Ordenatu
