60 urteko gizon bat hil da Erandion, bizikletan zihoala erorikoa izanda

60 urteko gizonezko bat hil da gaur Erandion, 6311 errepidean bizikletan zihoala erorikoa izanda, Eusko Jaurlaritzako Herrizaingo Sailak esan duenez.

Arratsaldeko ordubiak aldera izan da ezbeharra. Ertzaintzak oraindik ez daki erorikoaren ondorioz zendu den edo ondoezak jota izan duen erorikoa. Autopsia egingo diote gizonezkoari.