60.000 euroko isuna ezarri diote gizon bati, etxe berean 90 pertsona erroldatzeagatik

Espainiako Gobernuaren Gipuzkoako Azpiordezkaritzak 60.006 euroko isuna jarri dio gizon bati, bi urtean Irungo etxe batean (Gipuzkoa) 90 pertsona baino gehiago erroldatzeagatik. Isuna jarri dioten gizona etxe horretako maizterra zen, eta 100 eta 900 euro artean kobratu zizkien 90 pertsona horiei erroldatzeagatik. Espainiako Poliziaren arabera, Irunen iruzurrezko erroldatzeak ikertzen ari zirela, etxe berean erroldatzen ziren eta erroldatuta egoteari uzten zioten pertsona atzerritarren mugimendu handia ikusi zuten.