Atzerakargako makinaren bidez dumperrak zamatzen ari ziren. Halako batean, atzerakargoa aldapa txiki batean zegoela, maldan behera amiltzen hasi zen. Makina horren gidaria, 48 urteko J.G.G., eskuko galgaren bidez gerarazten saiatu zen. Galgak hondatuta zeuden, ordea, eta makinak aldapan behera jarraitu zuen. Hori ikusita, gidariak bere burua makinatik kanpora bota zuen. Bitartean, 63 urteko JA.L.P.k gidatzen zuen dumperra goruntz zihoan, eta ezin izan zuen atzerakargako makina saihestu.
Kolpea handia izan zen, eta JA.L.P. Bilboko Santutxu auzoko bizilaguna, hil egin zen. Atzerakargakoaren gidaria, berriz, erietxera eraman behar izan zuten zauri larriekin. 48 urteko langile hori LABeko kidea da, eta sindikatu horren bidez jakin da lan istripu honen berri.
Lan istripua
63 urteko langile bat hil da Derion atzerakargako makina batek harrapatuta
Joan den ostiralean Viuda de Sainz enpresako langile bat hil zen Derion (Bizkaia) atzerakargako makina batek berak gidatzen zuen dumperra aurrean eraman zuenean. Atzerakargako makina gidatzen zuen langilea, berriz, zauritu egin zen. Istripua arratsaldeko 17:30etan izan zen Mantuliz auzoan. Etxe multzo bat eraikitzeko lanetan ari ziren.
Iruzkinak
Ez dago iruzkinik
Ordenatu
