65 urteko txirrindulari bat zendu da Lantaronen

LANTARON. Txirrindulari bat hil zen herenegun Lantaronen (Araba), A-4321 errepidean. Gidari batek aurkitu zuen txirrindularia, bidean botata. Larrialdi zerbitzuei abisua eman zien, baina ezin izan zuten onera ekarri. Hildako gizonak 65 urte zituen, eta Miranda de Ebrokoa (Espainia) zen. Gizona zergatik hil zen ikertzen ari da Ertzaintza.