Eusko Jaurlaritzako Segurtasun Sailak jakinarazi duenez, 70 urteko gizonezko bat zendu da gaur arratsaldean Bilbon, erredura larri batzuen ondorioz. 18:00etan gertatu da ezbeharra, Epaltzaren Alargunaren kalean: gas leherketa bat izan da hildakoaren etxeko sukaldean, eta horrek sute bat piztu du. Gizona etxe barruan zegoen, eta han hil da.
Bilboko udaltzain bat ere artatu dute osasun zerbitzuek, kea arnasteagatik.
