Gaur goizaldean atxilotu dute Sopelan 71 urteko gizonezko bat, sexu eraso bat egitea egotzita. Berriki kontratatu zuen etxeko langile batek sexu erasoa egitea egotzi dio Ertzaintzaren aurrean.
Emakumeak adierazi duenez, duela gutxi hasi zen lanean gizonezko horren etxean, eta, beharrean ari zela, hark eraso egin zion astelehenean.
Emakumeak Getxoko polizia etxean jarri zuen salaketa.
Gizonezkoa atxilotu ostean, epailearen aurrera eraman dute. Ondoren, aske utzi dute, kargupean. Salatzailearengana hurbiltzea debekatu diote.
