Bart gauean hil egin da atzo Zigoitian auto istripu bat izan zuen 93 urteko gizon bat. 14:29an izan zuen ezbeharra A-3610 errepidean. Mungiarantz zihoala, haren autoa errepidetik atera eta irauli egin zen, Gopegi eta Maurga artean. Gizona ibilgailuan harrapatuta geratu zen, eta suhiltzaileek joan behar izan zuten handik ateratzera.
Zauri larriak izan zituen gizonak, eta anbulantzian eraman zuten Santiago ospitalera, Gasteizera. Ordu batzuk geroago hil da, Eusko Jaurlaritzako Segurtasun Sailak jakinarazi duenez.
