Hilketa bat ikertzen ari da Nafarroako Foruzaingoa Zangotzan. Larunbatean gertatu zen, Nafarroako Gobernuak berri eman duenez. 23:00ak aldera dei bat jaso zuten larrialdetan, zahar etxean eraso bat gertatu zela jakinarazteko.
Larrialdi zerbitzuek larri zaurituta topatu zuten 88 urteko gizona, eta gauean hil zen Nafarroako Ospitale Gunean. Ustezko hiltzailea, 95 urteko gizon bat, atxilotuta dago. Poliziak uste du hildako gizonaren gelara sartu zela eraso egitera.
Erasoari buruzko xehetasun gehiago ez dute eman oraingoz.
