Suteak
A-68 errepideko errei bat itxita dago Orozkon sortu den suteagatik
A-68 errepideko eskuineko erreia itxita dago gaur goizean Orozko eta Baranbio herrien artean dagoen mendi batean sortu den suteagatik. Suteak, oraindik, ez die inguruko herriei eragin. Herrizaingo sailak esan duenaren arabera, goizeko hamarretan joan dira Ertzaintza eta suhiltzaileak sutea hasi den lekura, VI-2522 errepide ingurura. Sua zuhaizti batean hasi da, eta momentuz, ez du inguruko herrietan kalterik eragin.
Herrizaingo sailak adierazi duen bezala, gaur goizeko sutea ez da bakarra izan. Atzotik, Euskal Herriko hainbat lekutan sute txikiak izan dira, baina ez dute inongo arazorik sortu. Adibideetako bat atzo gauean Bizkaiako Sopuerta herrian izandako sutea da. Sute hau Sopuerta herri inguruan dagoen mendi bateko eukalipto baso batean sortu zen.
Iruzkinak
Ez dago iruzkinik
Ordenatu
