AAM Amnistiaren Aldeko Mugimenduak biharko Bilbon deituta zuen manifestazioa debekatu egin du Eusko Jaurlaritzaren Herrizaingo Sailak. Ohar baten bidez, Herrizaingo Sailak dio deialdia egin dutela "ilegalizatutako elkarteen ezaugarriak dituzten pertsona edo taldeek". Horretaz gain, deialdian "Ertzaintzak tortura praktikak erabili dituela esplizituki" leporatu dutela dio, eta "istiluak sortzeko arriskuak" daudela.
AAMren manifestazioak azken hilabeteetan Bilbon egin dituzten atxiloketak salatzea zuen helburu. Atzo egindako agerraldian salatu zuen Poliziak "torturaren bitartez eraikitzen" dituela inputazioak, eta atxilotuak behartu egiten dituela "beren burua eta beste batzuk inkulpatzera".
Manifestazioa bihar 19:00etako zegoen deituta.
euskal presoak
AAMk biharko Bilbon deitutako manifestazioa debekatu du Jaurlaritzak
Azken hilabeteetan Bizkaiko hiriburuan egindako atxiloketak salatzea zuen helburu deialdiak. "Ertzaintzak tortura praktikak erabili dituela esplizituki" leporatzea da debekurako erabilitako argudioetako bat.
Iruzkinak
Ez dago iruzkinik
Ordenatu
