ABBADIA SARIA, 'MINTZALAGUNA'-RI

Donostiako Bagera elkarteak antolatutako Mintzalaguna proiektuak jaso zuen atzo iluntzean Anton Abbadia saria, Gipuzkoako Foru Aldundian. Euskararen normalizazioaren alde egindako lana eskertzeko modua izaten da sari hori. Aurten, Bagera elkartearen programak euskaraz hitz egiteko erraztasuna jartzeko egindako lana goraipatu dute. Martin Garitano ahaldun nagusia eta Zigor Etxaburua Euskara zuzendaria ekitaldian izan ziren, Bagerako kideekin batera.