Abenduaren 1ean agertuko dute biktimen txostena

BILBO. Abenduaren 1ean aurkeztuko dute Eusko Legebiltzarrean motibazio politikoak eragindako biktimen inguruan Jaurlaritzak egin duen txostena. Bertan,Felipe Gonzalezen lehen legealdian errepresio politikoak iraun zuela esaten da; baita talde parapolizialek ekintza armatuak egin zituztela ere, instituzio batzuen babesarekin. Horrenbestez, Aralarrek erretiratu egin du gaurko plenoan egin nahi zuen eztabaida. Gaia eztabaida politikoaren erdian ez jartzeko deia egin du, Aralarrek,«biktimei zor diegun errespetuagatik, urteak daramatzatelako aitortu ez zaien egia, justizia,eta memoriaren zain».