Abertzaleen arteko indar metaketa lortzea da lehentasuna Elorrietarentzat

ELAko idazkari nagusi Jose Elorrietaren iduriko une honetako lehentasuna abertzaleen arteko indar metaketa bideratzea da, galdeketaren gainetik. Hain justu, kritiko agertu da Jaurlaritzak ildo horretan egiten duen lanarekin: "Nola lortu abertzaleen indar metaketa da lehentasuna. Horretarako aurreko lan bat egin behar da, eta lan hori egin gabe dago. Hitzak errazak dira eta baita diseinuak ere, hauteskundeei begira-eta. Baina aurreko lana egiten ez bada, balio gutxiko hitzak izango dira", agertu du.