Nafarroako Tafalla herrian abiadura handiko trenaren aurkako manifestazioa egin dute arratsaldean. Manifestazioari atxikimendua agertu diote, bertzeak bertze, Lurrak, Gurelurrek, Ekologistak Martxan-ek, Sustrai Erakuntza Fundazioak, Mugituk, ELAk, LABek eta ESK-k. Mila pertsona baino gehiagok egin dute AHTaren aurkako aldarrikapena.
Nafarroako AHTaren korridorearen proiektua bertan behera gelditu eta gero, Castejon eta Iruñea arteko zatiari eustea "erokeriatzat" jo zuen duela egun batzuk batzarreko kide Pedro Leraltak. Castejon eta Iruñea arteko lanak bertan behera uzteko eskatu dute Tafallako AHTaren kontrako batzarreko kideek. "Trenaren alde gaude, baina AHTaren aurka. Hirugarren errailaren aukera da logikoena trenbide osorako", esan zuten prentsaurrekoan.
