Donostiako apezpiku Jose Ignazio Munillak meza berezia eman du Donostiako San Pedro elizan, kaian, "Biziaren aldeko eguna" dela eta. Abortatzeko eskubidea aldarrikatzeko, kalejira eta elkarretaratzea antolatu ditu mugimendu feministak.
Bulebarretik joan dira kalejiran elizaraino, eta eliza aurrean elkarretaratzea egin dute. Feministek honako hau adierazi dute: "Ezaguna da Munilla emakumeok gure gorputzaren eta bizitzaren gain erabakitzeko dugun eskubidearen kontra egin dituen adierazpenengatik, baita emakumeon bizitzari garrantzirik ematen ez diolako ere".
Larunbatean beste mobilizazio bat egingo dute abortatzeko eskubidearen alde, Iruñean.
