Gipuzkoako PPko presidente Borja Semper kritiko agertu da Espainiako Gobernuak aurkeztutako abortuaren lege egitasmoarekin, eta Espainiako Kongresura heltzean proiektua "kontzientziaz" bozkatzeko aukera izatea defendatu du: "Alderdi politikoek ez dute sektak izan behar".
Semperrek esan du ez duela sinesten "euren bizitzaren inguruko erabakiak hartzea galarazteraino pertsonen bizitzetan sartzen den estatu" batean, baina, aldi berean, bat dator Madrilekin "defendatu ezin direnen bizitza bermatzeko" beharrean: "Orekan dago gakoa".
