Bi pertsonaren gorpuak aurkitu dituzte Basauriko (Bizkaia) etxe batean. Adineko emakume batena eta haren semearena dira; emakumea ezindua zegoen, eta semea arduratzen zen hura zaintzeaz.
Zabaldu duten informazioaren arabera, egun batzuk zeramatzaten etxetik atera gabe, eta auzokideek eta semearen lagunek eman zuten abisua. Atzo arratsaldean sartu ziren etxebizitzara, eta hilda aurkitu zituzten. Gorpuen autopsiak argitu beharko du zergatik hil diren.
Ertzaintzak ez du inolako informaziorik eman nahi izan ikerketari buruz. El Correo kazetaren arabera, gorpuek ez zuten indarkeria zantzurik, eta hipotesia nagusia litzateke semea naturalki hil zela, eta adineko emakumea zendu zela ondoren, zaintza faltagatik.
