Mantxako kanala zeharkatzen duen Eurotunelean adingabe bat hil da bart merkantzia tren batek harrapatuta. Calaiseko suprefekturak adierazi duenez, 15 eta 17 urte artean zituen gazteak, eta "ziurrenik" Sudan edo Eritreakoa zen. Datu guzti horiek argituko dituzte martxan jarri duten ikerketan.
Suprefekturak onartu du bart tunelean hainbat "saiakera eta sartze" gertatu zirela. Baina horiek ohikoak direla aderazi du. Aurten bost pertsona hil dira Eurotuneleko hornikuntzetan Ingalaterrara iristeko tren batera igotzeko saiakeretan.
