ADMINISTRARIAK LEHENAK

Eusko Jaurlaritzak azken urteotan antolatutako oposizio handienak hasi ziren atzo BECen: 4.693 lagunek egin zuten Osakidetzako 30 administrari postuetako bat lortzeko azterketa. Gaur izango da egun jendetsuena: 40.000 pertsonatik gora izango dira zaintzaile, erizain laguntzaile eta administrazio laguntzaile izateko probetan. Bihar amaituko da lan eskaintza publikoaren bloke nagusia. Guztira, ia 1.500 postu daude jokoan, 65.000 hautagairentzat.