Idoia Mendia Eusko Jaurlaritzako bozeramaileak gaur esan du Eusko Jaurlaritzak murrizketak egingo dituela administrazioan. Bere hitzetan, Gobernuaren estrukturaren eta administrazioaren "azterketa zorrotza eta analisi objetiboa" egin dute, eta "behar diren neurriak hartu eta behar den lekuan" ezarriko direla esan du.
Helburua Jaurlaritzaren baliabideak beste modu batera bideratzea dela esan du Mendiak, eta "beharrezkoak ez diren gastuak" egiteari uztea. Bera buru den departamentuak, ordea, ez dituela zerbitzu publikoak ahuldu nahi gaineratu du: "Erabat kontrakoa; baliabide eskasak izan arren, zerbitzu publikoak sendotu nahi ditugu".
