NBEko Segurtasun Kontseiluak gaur eztabaidatuko du estatubatuarrek Ipar Korea zigortzeko egingo duten proposamena. John Bolton AEBek nazioarteko erakundean duten ordezkariak atzo ziurtatu zuen ebazpena 24 ordutan onartzea espero dute. Erresuma Batuko, Frantziako eta Japoniako enbaxadoreekin bildu zen atzo eta bileraren ostean "erantzun gogor eta azkar bat" emateko beharra azpimarratu zuen.
Ipar Korea tinko
"AEBak bere indar armatuen gaitasuna pilatzen ari da Ipar Koreari eraso egiteko", salatu du Piongiango Gobernuak Rodong Sinmun egunkari ofizialeko editorialean. "Baina estatubatuarrek gerra deklaratzen badigute, porrot garratza pairatuko dute", gaineratzen du.
Bestalde, Japoniaren aurkako "errepresalia gogorrak" ezarriko dituela ohartarazi du Ipar Koreak. Hain zuzen, Japoniak bere kabuz Piongiangi zigorrak ezarriko zizkiola iragarri zuen atzo. Zigor horiek ezartzen badizkio erantzun egingo duela ohartarazi du gaur Song Il-ho Ipar Koreako enbaxadoreak. Azken honek Ipar Koreak Japoniarekin dituen harreman diplomatikoak normalizatzeko ardura dauka.
Mundua
AEBek Ipar Korearen aurkako ebazpena proposatuko dute gaur NBEko Segurtasun Kontseiluan
AEB Ameriketako Estatu Batuen helburua joan den astelehenean burutu zuen proba nuklearragatik Piongiangek zigortzea da. Hori dela-eta NBEko Segurtasun Kontseiluak proba nuklearra berehala gaitzetsi dezan, Ipar Korearen aurkako ebazpena proposatuko dute gaur AEBek. Bien bitartean, Ipar Koreak mehatxu egin dio Japoniari atzo iragarri zituen zigorrak ezartzen badizkio. Piongiangek uste du AEB herrialdearen aurkako erasoa prestatzen ari dela.
Iruzkinak
Ez dago iruzkinik
Ordenatu
