AEK-k eta IKAk manifestazioa eginen dute gaur 17:30ean Iruñean, Nafarroako 2005. urteko aurrekontuetan euskaltegientzat zehaztutako diru saila nabarmen murriztu delako. 180.000 euroko laguntza aurreikusten da haientzat. Kopuru horrek «euskaltegiak kolokan» jartzen dituela salatu dute AEK-k eta IKAk. Gaurko elkarretaratzeak atxikimendu ugari jaso ditu. Besteak beste, Kontseiluak, LAB sindikatuak, EAJk, Batzarrek, Sortzen-Ikasbatuaz-ek, Topaguneak eta Euskara Kultur Elkargoak bat egin dute manifestazioarekin. Gazteluko plazatik abiatuko da, eta UPNren, CDNren eta PSNren egoitzen aurretik pasako da.
AEK-k eta IKAk manifestazioa egingo dute gaur
Iruzkinak
Ez dago iruzkinik
Ordenatu
